Якташлары призы – якташларына

Яңа Ибрай көрәшчеләре якташлары Мансур Абдрахманов истәлегенә багышланган милли көрәш буенча бил алышуда төп призны яуладылар.

М.Абдрахманов исемендәге мәктәпнең спорт залында көрәшчеләр келәмендә Аксубайдан, Яңа һәм Иске Ибрайдан, Иске Кыязлыдан, Сөнчәледән, Шәрбән һәм Карасудан 80 гә якын көрәшче бил алышты. Әмма яңаибрайлыларның җиңү шансын башкаларга бирәселәре килмәде. Төп призны да алар алдылар. Иске Ибрай көрәшчеләренә икенче урын бирелде, өченче урында - искекыязлылар. Ярышлар эшмәкәр Рамил Якупов, авыл җирлеге башлыгы, спорт мәктәпләре җитәкчеләре, район ветераннар советы тырышлыгы һәм ярдәме белән үтте.