Аксубай кешесе исерек килеш машина йөрткән өчен 45 мең сум түләячәк һәм хокутан мәхрүм ителәчәк
Юл хәрәкәте иминлеге

Аксубай кешесе исерек килеш машина йөрткән өчен 45 мең сум түләячәк һәм хокутан мәхрүм ителәчәк

Районда яшәүче А. Кондратьев исерек килеш автомобиль руле артына утырган өчен административ җаваплылыкка тартылган.

Хокук бозу 2026 елның 26 сентябрендә, 19:15 сәгатьтә, Иске Савруш авылының Үзәк урамында ачыкланган. Инспекторлар “Хонда” автомобилен туктатканнар.

Йөртүчедә исереклек билгеләре булган.

Үткәрелгән тикшерү сулаган һавада алкоголь булуын раслаган. Прибор күрсәткечләре 0,259 мг/л тәшкил иткән. Йөртүче тикшерү нәтиҗәләре белән килешкән, гаебен таныган.

Аксубай суд районы 2 нче суд участогының җәмәгать судьясы, тәкъдим ителгән материалларны һәм дәлилләрне өйрәнеп, ир-атны РФ КоАПның 12.8 маддәсенең 1 нче өлеше буенча гаепле дип тапкан.

Юл хәрәкәте кагыйдәләрен бозган өчен аңа 45 мең сум күләмендә административ штраф һәм 1 ел 6 айга транспорт чараларын йөртү хокукыннан мәхрүм итү җәзасы билгеләнгән.

Суд карары законлы көченә кергән.


Нет комментариев