Бүген иртәнге 8.00 дә районның барлык 41 сайлау участогында тавыш бирүнең өченче көне башланды.
Узган ике көн халыкның активлыгын күрсәтте: муниципалитет сайлаучыларының күпчелеге гражданлык бурычларын үтәде инде.
Кешеләр участокларга аларның тавышы киләчәкне билгеләячәген тулысынча аңлап килә. Күпләр билгеләп үткәнчә, илнең тотрыклылыгына һәм иминлегенә юл шушы сайлауга бәйле.
–Безнең өчен һәр сайлаучы – кадерле кунак, – ди 573нче сайлау участогы комиссиясе рәисе Гүзәл Хәмәтшина. – Без монда бары тик яхшы килүчеләр санын гына түгел, ә кешеләрнең чын кызыксынуын да күрәбез. Бигрәк тә яшьләрнең һәм балалары белән килгән гаиләләрнең булуы сөендерә. Бу исә халыкның сайлау системасына ышануын аңлата.
Комиссияләр бүген – тавыш бирүнең соңгы көне булуын искәртә. Сайлау участоклары кичке 20.00 сәгатькә кадәр ачык булачак. Аксубайлыларның һәрберсенең участокка килергә һәм үз гражданлык позициясен белдерергә вакыты бар әле.
Нет комментариев