Участок сайлау комиссиясе җирле мәктәп бинасында урнашкан, аның составына шулай ук Пионер, Понамаревка һәм Красный Берег поселоклары да керә.
– Күпчелек халык беренче көнне үк тавыш бирде, – дип аңлатты участок сайлау комиссиясе рәисе Марс Бикулов. – Шул ук көнне комиссия Пионер поселогында эшләде: өстәмә тавыш бирү бик яхшы узды, халык алдан хәбәрдар иде һәм җирле клубка актив килде. Исемлекләрдә барлыгы 332 сайлаучы бар, беренче көнне килүчеләр саны 68 процент тәшкил итте, ә хәзерге вакытта 90 процент тирәсе. Бик аз кеше калды.
Комиссия әгъзалары сүзләренчә, халыкның кәефе күтәренке.
– Авылыбызда күптән түгел юл салдылар – бу һәр кеше өчен бик мөһим объект, бу безнең өчен зур шатлык булды! Кешеләр канәгать һәм киләчәктән бары тик яхшылык кына көтәләр, – диләр участок сайлау комиссиясе әгъзалары.
Нет комментариев