Аксубай районы укучылары язучы Әлфирә Галиева белән очрашты

Чараны «Китап дуслары» командасы оештырды, балаларны әдәбият дөньясына кызыклы сәяхәткә чакырды.

Очрашу җылы һәм дусларча атмосферада узды. Әлфирә Галиева үзенең иҗат юлы турында сөйләде, әсәрләр тудыру тарихы белән уртаклашты һәм шигырьләр, китаплар язуга нәрсә илһам бирүен ачты. Укучылар һәм «Китап дуслары» командасы әгъзалары кунакка кызыксынып сораулар бирделәр, әдәбият һәм кеше тормышында китаплар укуның әһәмияте турында сөйләштеләр. Балалар һәр әсәр тудыру артында нинди хезмәт, фантазия һәм күңел кичерешләре торганын абайлый алдылар.

Мондый очрашулар әдәбият белән китап битләре аша гына түгел, ә авторлар белән турыдан-туры аралашу аша танышырга мөмкинлек бирә. Алар укуга кызыксыну уята, туган телне яхшырак белергә ярдәм итә һәм балалар өчен әдәбият дөньясында яңа исемнәр ача.

Очрашу ахырында укучылар Әлфирә Галиева кызыклы әңгәмә өчен рәхмәт белдерделәр һәм аңа илһам, иҗади уңышлар, яңа әсәрләр һәм рәхмәтле китап укучылар теләделәр.

Фото 3 нче Аксубай мәктәбе архивыннан.