«Нежность» халыкка комплекслы социаль хезмәт күрсәтү үзәге «Интерактив сәламәтлек мәйданчыгы» социаль практикасы «Абсолют-ярдәм» хәйрия фондының грант конкурсында җиңүче булды.
Быел конкурска Россиянең 73 төбәгеннән 480 гариза килгән. 47 төбәктән 158 оешма финанс ярдәме алачак, алар арасында Аксубай районының «Нежность» социаль ярдәм күрсәтү үзәге дә бар.
Грант ярдәмендә үзәк базасында сәламәтлек мөмкинлекләре чикләнгән балалар, инвалид яшьләр һәм куркыныч астында булган балалар өчен заманча интерактив-сенсор мохит булдырылачак. Ул психофизик үсешне коррекцияләүгә, социаль адаптациягә һәм эмоциональ тотрыклылыкка юнәлдереләчәк.
Мәйданчыкны җиһазлау өчен программа тәэминатлы интерактив идән, сенсор бүлмәсе өчен җиһазлар, фибероптик әйберләр, тактиль комплекслар, баланслау такталары-лабиринтлар һәм сыек элементлы сенсор идән сатып алу планлаштырыла.
Дәресләрне үзәк белгечләре катнашучыларның һәр төркеменең ихтыяҗларын исәпкә алган индивидуаль маршрутлар буенча үткәрәчәк. Яңа мәйданчык Аксубай районында яшәүчеләргә кирәкле ярдәмне һәм үстерү хезмәтләрен шәһәргә бармыйча гына алырга мөмкинлек бирәчәк. Бу уңайлы мохит тудыруга, үсеш үзенчәлекләре булган балалар һәм өлкәннәр өчен мөмкинлекләрне киңәйтүгә һәм ярдәмгә аеруча мохтаҗ гаиләләргә ярдәм итүгә мөһим адым.
Фото «Нежность» үзәге архивыннан.
Нет комментариев