Аксубай комбайнчысы удар хезмәте белән конкурста җиңү яулады

Шәүкәт Габдрахман улы игенчелектә дистәләгән еллар эшли, төрле техника белән идарә итә ала. Игенче һөнәре авыр һәм зур көч куюны таләп итсә дә, ул үз эшенә тугры кала. Узган елгы урак өсте дә гади булмады – комбайнчы максималь йөкләнеш белән эшләп, югары җитештерү күрсәткечләренә иреште. Җирдә авыр хезмәт авыл кешесен куркытмый. Ул яшьли хезмәткә күнеккән, үзенә йөкләнгән эшне яхшы нәтиҗәләргә ирешерлек итеп үти. Үсемлекчелектә дә ул нәкъ менә шулай хезмәт куя.