Аксубайлыларны «Үзебезнекен булдыр» яшьләр эшкуарлыгы бәйгесендә катнашырга чакыралар
Стратегик инициативалар агентлыгы (АСИ) һәм МСП Корпорациясе яшьләр эшкуарлыгының «Үзебезнекен булдыр» федераль бәйгесе башлануы турында игълан итте. Анда үз эшләрен ачарга теләгән яисә ике ел дәвамында эшмәкәрлек белән шөгыльләнгән 14-28 яшьлек яшьләр катнаша ала.
Теркәлү МСП.РФ цифрлы платформасында ачык. Гаризаларны 10 мартка кадәр тапшырырга мөмкин. Бәйгедә җиңүчеләр МСП Корпорациясенең махсус акселерация программасына чакырылачак.
Моннан тыш, алар бизнес-идеяне гамәлгә ашыру яки үз компанияләрен үстерү өчен 1 млн. сум күләмендә «Яшьләр эшкуарлык инициативасы» фонды грантын алачак. Бәйге программасы ике трек буенча оештырылган: «Бизнессыз яшьләр» һәм «2 елга кадәрге бизнес». Катнашучыларга эшкуарлык эшчәнлеге нигезләре буенча белем бирү программасын үтәргә, ә киләсе этапта үз эшләрен ачу яки масштаблаштыру буенча бизнес-проект эшләргә кирәк. Проектларны өйрәнү нәтиҗәләре буенча бәйге комиссиясе 30 җиңүчене билгеләячәк.
Бәйге турында мәгълүмат РФ МСП. цифрлы платформасында бәйге битендә урнаштырылган (https://мсп.рф/services/sozdaj-nashe/promo).
Следите за самым важным и интересным в Telegram-каналеТатмедиа
Нет комментариев