Аксубай ветеранның һөнәре йортлар төзү була

Ветеран һөнәре буенча төзүче, ул үзенең гомерен туган төбәгенә, аның үсеше һәм чәчәк атуына багышлаган.

Атаклы төзүче гомере буе диярлек өйләр төзи. Василий Иванович күп еллар районның иң эре оешмаларының берсе – СМУда хезмәт куя.

Һәр һөнәрнең үз серләре бар, шулай ук төзүче һөнәре дә үзенә күрә бер фән кебек.

– Уңган, булдыклы кеше булуыгыз кулларыгыздан күренеп тора. Бүген дә аларда көч-куәт сизелә. Сезнең фидакарь хезмәтегез ярдәмендә аксубайлылар бүген уңайлы шартларда яшиләр һәм аларның тормыш сыйфаты елдан-ел яхшыра бара, – дип билгеләп үтте район башлыгы Камил Гилманов, тантана сәбәпчесенә бүләкләр һәм күчтәнәчләр тапшырып.

Бистә башкарма комитеты җитәкчесе Алексей Горбунов та котлауларга кушылып, хезмәт ветеранына иң изге теләкләрен җиткерде.

Район башлыгы шулай ук юбилярның хатыны Мария Петровнаның да үз вакытында КБОда иң алдынгы, тырыш хезмәткәрләрнең берсе булуын билгеләп үтте. Ул моннан егерме ел элек вафат булган, Василий Иванович кызы Валентина тәрбиясендә яши.

Валентина Васильевна кунакларны ачык йөз белән каршы алды. Әтисенең соңгы елда бик нык бирешүен, аның вакытны ничек үткәрүе турында сөйләде. Бабакайга кызы, рус теле һәм әдәбияты укытучысы Татьянаны югалту хәсрәтен кичерүе бик авыр була. Валентина Васильевна әтисенең дә, үзенең дә яз җитүен түземсезлек белән көтүләре турында сөйләде. Ул ямьле яз айлары әтисенең күңелен бераз булса да күтәрер, аңа алга таба яшәргә көч бирер дип өметләнә.