Этанол белән агулану очраклары арткан

Роспотребнадзорның ТР буенча Идарәсе мәгълүматларына карганда, гыйнвар аенда алкоголь һәм составында спирт булган сыекчалар белән кискен агулануның 58 очрагы теркәлгән.

Агуланучыларның төп өлеше - 18 яшьтәгеләр һәм олыраклар - 93,1 процент, яшүсмерләргә (15-17 яшьлек) - 5,2 процент, балаларга (0-14 яшьлек) - 1,7 процент туры килә. Ир-атлар арасында агуланучылар 75,9 процентны тәшкил иткән.

Агуланучыларның социаль хәле анализы күрсәткәнчә: эшләмәүчеләр - 43,1 процентны, эшләүчеләр - 17,2 процентны, пенсионерлар - 27,6 процентны, укучылар - 5,2 процентны, калганнары - 6,9 процентны тәшкил итә.

Алкоголь белән агуланучылар арасында этанол белән агуланучылар күбрәк - 82,8 процент, тикшерелмәгән спирт белән - 8,6 процент, метанол белән агуланучылар - 8,6 процентны тәшкил иткән.

- Балигъ булмаганнарга алкоголь куллану аерата да куркыныч, үсеш чорында ул организмга тискәре йогынты ясый, - дип сөйли Идарәнең баш белгеч-экспекрты Андрей Тимирясов. - Яшь чактан алкоголь куллана башлаган кешеләрнең алкоголь кулланмаган яшьтәшләренә караганда интеллектуаль һәм физик үсеше күпкә түбән.

Быелгысы елда Аксубайда алкоголь белән кискен агулануның бер генә очрагы да теркәлмәгән.

Фото: alcoholizmaxop.alcoholizmiweq.ru