Талантны һәм тырыш хезмәтне тану
Виталий Тимирясов исемендәге 1 нче Аксубай мәктәбендә фән олимпиадаларында җиңүчеләрне һәм призерларны котлау тантанасы узды.
Чарада районның иң уңышлы укучылары, аларның әти-әниләре һәм остазлары катнашты.
Бу уку елында районның яшь интеллектуаллары югары нәтиҗәләр күрсәттеләр: 39 укучы республика һәм төбәк олимпиадаларында 42 призлы урын яулады. Бу узган ел белән чагыштырганда шактый үсеш, ул вакытта бүләкләр саны 39ны тәшкил иткән.
Җыелучыларны район башлыгы Алмаз Мингулов котлады.
– Мөгаен, укучыларыбыз олимпиадаларда призлы урыннар ала алмаган бер генә фән дә юктыр. Бу, беренче чиратта, балаларның, ата-аналарның һәм укытучыларның зур хезмәте. Алар яшь кешеләрдә уңышка омтылыш һәм холык формалаштырып, укучыларның белеменә һәм киләчәгенә үз өлешләрен кертәләр, – дип билгеләп үтте ул. – Бу җиңүләр алар алдында яңа карьера һәм белем алу мөмкинлекләрен ачсын иде.
Район җитәкчесе һәр призерга сертификат тапшырды.
Олимпиадаларда җиңүчеләрне һәм аларның әти-әниләрен район Башкарма комитеты җитәкчесе Станислав Зайцев һәм мәгариф бүлеге җитәкчесе Рәмзия Зәйдуллина җылы котладылар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев