В.Г. Тимирясов исемендәге Аксубай 1нче мәктәбендә «Әтиләр һәм балалар: волейбол берлеге» волейбол турниры узды.
Ул «Әти эшли ала!» Бөтенроссия акциясе кысаларында оештырылды.
Спорт мәйданчыгында әтиләр һәм мәктәп укучылары командалары очрашты. Уен киеренке килеп чыкты: башта балалар алга чыкты, әмма хәлиткеч партияләрдә әтиләр уен барышын үзгәртә алдылар һәм җиңү яуладылар.
Катнашучыларга көч биреп тору өчен гаиләләр белән килделәр. Барлык уенчыларга да Мактау грамоталары тапшырылды, ә очрашуның төп нәтиҗәсе булып якты хис-кичерешләр, команда рухы һәм бергә вакыт үткәрү мөмкинлеге торды.
Фото В.Г. Тимирясов исемендәге 1нче Аксубай мәктәбе архивыннан.
Нет комментариев