Төзүчеләр көне белән!

Соңгы елларда районда төзелеш киң колач алды,-диелә район башлыгы Камил Гилманов котлавында.

-Торакларны һәм социаль билгеләнешетәге объектларны капиталь ремонтлау алып барыла, ветераннар өчен торак төзелә, яңа уку елы башланыр алдыннан капиталь ремонттан соң берничә мәктәп, ПЛ-88 файдалануга тапшырылачак. Боларның барысы да сезнең хезмәт нәтиҗәсе!
Хөрмәтле төзүчеләр, төзелеш тармагы хезмәткәрләре, архитекторлар, проект ясаучылар!
Сезне һөнәри бәйрәмегез белән котлыйм! Сезнең яңа технологияләр һәм төзелеш материалларыннан файдалануыгыз, һөнәри осталыгыгыз бәрабәренә район алга таба да күркәм төс алыр дип ышанасы килә. Сезгә һәм сезнең гаиләләрегезгә яңа хезмәт казанышлары, ныклы исәнлек, иминлек телим!