Хөрмәтле мөселман кардәшләребез!

Сезне изге Рамазан аеның тәмамлануы һәм Ураза бәйрәме башлануы белән тәбрик итәм!

Бу бәйрәмдә исламның күп гасырлык традицияләре, аның әхлакый идеаллары чагылыш таба. Безнең район территориясендә күпмилләтле халык яши.Без мөселман һәм правослау бәйрәмнәрен бергәләп бәйрәм итәбез. Ураза бәйрәме-күңел чистаруы, шәфкатьлелек һәм изге гамәлләр кылу бәйрәме. Ә бу кыйммәтләр дин тотучы кешеләрнең барысына да аңлашыла, имин тормышның нигезе булып тора.
Ураза бәйрәме һәркайсыгызның күңеленә тынычлык һәм үз-үзеңә ышаныч бирсен. Бәйрәм көннәрендә һәрбер йортка, һәр гаиләгә шатлык, мәрхәмәт, иминлек, тынычлык иңсен!-диелә Аксубай муниципаль район башлыгы Камил Гилманов котлавында.