Аксубай районыннан Юлия Еремеева «Нәүрүз гүзәле» титулына ия булды
Нәүрүз төрки һәм иран халыкларының республика бәйрәме кысаларында гүзәл затлар арасында «Нәүрүз гүзәле» бәйгесе узды.
Нәүрузнең төп гүзәле титулы өчен тугыз милләт вәкиле көч сынашты. Чуаш Енорускиносы авылыннан Юлия Еремеева җиңүче дип танылды. Ул Татарстанның «Аталан» яшьләр берләшмәсен җитәкли. Кыргызстаннан Айбикә Асан кызы беренче вице-мисс булды. Өченче урынны Үзбәкстан вәкиле Шаһрезада Курбанова алды. Онлайн-тавыш бирү нәтиҗәләре буенча тамашачылар мәхәббәтен Башкортстаннан Луиза Мөхәммәтҗанова яулады. Бу хакта тулырак район басмасының киләсе санында укырсыз.
Фото: Еремеевлар гаилә архивыннан.
Следите за самым важным и интересным в Telegram-каналеТатмедиа
Нет комментариев