Аксубайдан әтиле-уллы шахмат буенча «Буыннар бәйләнеше» турнирында җиңү яуладылар

Флен Зәйнуллин оста җитәкче, ТР Диңгез җыелышы әгъзасы, Аксубай районында диңгезчеләр җыенының тулы вәкаләтле вәкиле буларак билгеле. Ул шулай ук актив шахматчы да, шахмат буенча турнирларда катнаша, интеллектуаль шөгыльгә улы Энгельне дә җәлеп итә.

Гаилә командасы шахмат буенча «Буыннар бәйләнеше» республика турнирының икенче турында катнашты. Әтисе дә, улы да үз номинацияләрендә беренче урыннарны яуладылар. Җиңүгә ирешкәннәре өчен аларның икесе дә Әлки районында яшьләр сәясәте бүлеге һәм Россия «Пенсионерлар берлеге»нең җирле советы грамоталарына лаек булдылар.

Фото: Зәйнуллиннар гаиләсе архивыннан