РФ Дәүләт Думасына сайлаулар көнендә Аксубай техникумында студент билетлары тапшырдылар
Аксубай районы башлыгы Камил Гилманов сайлау участокларында йөреп чыкты.
Ул 571 нче сайлау участогы урнашкан Аксубай универсаль технологияләр техникумында да булды. Территориаль сайлау комиссиясе рәисеннән – сайлаучыларның активлыгы һәм полиция хезмәткәреннән сайлау участогында барысы да тынычмы-юкмы икәнлеге белән кызыксынды. Алар, сайлаучылар актив тавыш бирәләр, тәртип бозулар юк, дип белдерделәр.
РФ Дәүләт Думасына сайлаулар көнендә Аксубай техникумында шәкертләрне беренче курска тантаналы кабул итү булды. Тантанада Камил Гилманов та катнашты.
Район башлыгы 32 шәкерткә студент билетлары тапшырды, аларга иң җылы теләкләрен җиткерде, республиканың һәм илнең киләчәге аларга бәйле булуын билгеләп үтте.
Следите за самым важным и интересным в Telegram-каналеТатмедиа
Нет комментариев