«Лада Гранта» машинасының 41 яшьлек йөртүчесен ел ярымга транспорт чараларын идарә итү хокукыннан мәхрүм иткәннәр.
Юл хәрәкәте иминлеге буенча муниципаль комиссия мәгълүматларына караганда, мондый җәзаны А.В. Агаповка Аксубай муниципаль районының җәмәгать суды билгеләгән. Дәүләт автоинспекциясе хезмәткәрләре ир-атны 2026 елның 22 апрелендә Иске Тимошкино авылының Ленин урамында исерек килеш җиңел машина рулендә тоткарлаганнар. Гәрчә ул медицина тикшерүеннән баш тартса да, бу аны җаваплылыктан да, машина йөртү хокукыннан мәхрүм итүдән дә, административ штраф түләүдән дә коткармаган.
–Дәүләт автоинспекторлары машинаны туктатып, дәүләт номерын база буенча тикшергәч, йөртүченең ОСАГО полисы юклыгы ачыкланган. Шулай итеп, бер хокук бозу тагын да җитдиерәк хокук бозуны ачыклауга китергән – йөртүчедә исереклек билгеләре сизелеп торган, моны аңа сулыш алырга тәкъдим ителгән алкотектор да раслаган, – дип аңлатма бирде Аксубай муниципаль районының Юл хәрәкәте иминлеге комиссиясе рәисе Станислав Зайцев. – Әмма тоткарланучы медицина тикшерүе узудан баш тарткан. Ләкин судка дәүләт автоинспекторлары тарафыннан тәкъдим ителгән хәлләр җыелмасы җәза билгеләү өчен җитәрлек булган.
Нурлат кешесен транспорт чаралары белән идарә итү хокукыннан ел ярымга мәхрүм иткәннәр һәм кырык биш мең сум күләмендә штраф салганнар.
Нет комментариев