Аксубаево
  • Рус Тат
  • Кубок һәм өч миллион

    «Челтәр компаниясе» ААҖ филиалы-Чистай электр челтәрләре бригадасы Аксубай РЭСы аша һөнәри осталык ярышларыннан икенче урынны һәм өч миллион сумлык акчалата сертификат алып кайтты.

     Бу - республика ярышларында яңа технология буенча «Киеренке эш» бүлегендә аксубайлыларның беренче зур җиңүе, ләкин аңа алдагы елларда да «Челтәр компаниясе» ААҖ  ярышлары классик җиңүләр алып килде.

    Бу төр  ярышлар өч елга бер тапкыр уза һәм иң яхшы бүлекчәләрне ачыклый. Быел республика дәрәҗәсендә көрәшү хокукын безнең электр хезмәткәрләре Биләрдә Алексеевск РЭСы территориясендә Чистай электр челтәрләренең иң яхшы электромонтерлары арасында ярышларның зона этабында җиңгәннән соң алдылар. Җиңүчеләр бригадасын мастер Дмитрий Матюшкин җитәкләде, ә   бригада составына Артем Николаев, Евгений Безруков һәм Александр Паршунин кергән.

     Аксубай РЭСы җитәкчесе Марат Сруртдинов, гомуми җыелышта егетләрне котлап: - Икенче урынга юл  җиңел булмады, чөнки бригаданы кечкенә  хаталары өчен дә  ярыш этапларыннан алдылар, - дип сөйләде. Бу аңлашыла да: теләсә кайсы этапта хаталарның бәясе  реаль тормышта  кемнең дә булса гомеренә тиңләшергә мөмкин бит.

    - Безнең егетләрнең  һәр адымы уйланылган, бер-берсе арасында бердәмлек һәм эшләрендә төгәл эзлеклелек бар иде. Ярышларда киеренкелек  бик көчле иде, бер мизгелдә мин йөрәгемнең ничек тибүен дә ишеттем, – дип уртаклашты җитәкче.

    Ул егетләрнең һәрберсенә  һөнәри осталыклары өчен  һәм компаниянең иң яхшы җитештерүчесе булып танылган, генераль директордан махсус бүләк алган Артем Николаевка рәхмәт белдерде.

    Көмеш  кубокка ия булган  аксубайлыларны Чистай электр челтәрләре җитәкчесе Александр Наумов котлады:

    – Афәрин, егетләр! Алда яңа технологияләрне үстерү, яңа техниканы гамәлгә кертү буенча кызыклы эшләр тора.  «Эзләгән, тырышкан  кеше һәрвакыт  максатына ирешә» дигән яхшы сүзләр бар. Бу сүзләр сезнең девизыгыз булсын!

    Ул май аенда Япониядә белем алуы һәм  анда энергетикларның эшендә иң мөһиме кагыйдәләрне төгәл үтәү -  эшне гамәлгә яраксыз итеп башкармау, андый эшне кабул итмәү һәм бер-береңә тапшырмау  торуы турында белдерде. Монда теләсә кайсы участокта гамәлгә яраксыз эш табыла икән, бу очракта аларга штрафлар каралмаган. Ул аларның һәрберсенә эшне намус белән эшләргә кирәклеген киңәш итте.

    Ә өч миллионлы приз ничек соң? Александр Наумов сүзләренә караганда, ул Чистай  һәм Аксубай районнарының  электр челтәрләре базасын ныгыту,  челтәр белгечләренең эш сыйфатын яхшырту өчен яңа махсус техника сатып алу өчен файдаланылачак. Ә җиңүче командадагы һәр егет һәм кыз ел дәвамында премия рәвешендә шәхси бүләккә 25 процент өстәмә акча алачак. 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: