Гаилә, мәхәббәт һәм тугрылык көнендә «Нежность» халыкка социаль хезмәт күрсәтү үзәгенең гаиләгә һәм балаларга социаль ярдәм бүлекчәсе белгечләре #ДарюТепло Бөтенроссия урам акциясе үткәрделәр.
Яшүсмерләр белән очрашу вакытында алар гаилә кыйммәтләре, үзара аңлашу һәм файдалы ял итү мөмкинлекләре турында сөйләштеләр.
Акциядә катнашучыларга көн саен мәхәббәт һәм кайгыртучанлык күрсәтергә мөмкин булуын искә төшерделәр. Игелекле сүз, өйдә ярдәм итү, якыннарыңның кәефенә игътибар итү һәм ихлас күңелдән катнашу гаилә мөнәсәбәтләрен ныгытырга һәм ышаныч атмосферасы тудырырга сәләтле. Яшүсмерләр актив рәвештә әңгәмәгә кушылдылар, үз фикерләрен әйттеләр һәм үзләрен кызыксындырган сорауларны бирделәр.
Әңгәмәләрдән тыш, «Нежность» үзәге белгечләре балаларны бистәдә узачак якындагы чаралар белән таныштырдылар. Яшүсмерләргә буш вакытны файдалы һәм кызыклы итеп үткәрү урыннары күрсәтелгән мәгълүмати кәгазьләр (листовкалар) тараттылар.
Фото «Нежность» КЦСОН архивыннан.
Нет комментариев