Азык запасы җитәрлек булырга тиеш

Бүгенге көнгә район буенча план нигезендә 65300 тоннадан артык  әзерләнергә тиешле сенажның 48 мең тоннадан артыгы әзерләнгән, 5200 тоннадан артык печән запасы тупланган (план буенча 15500 тонна). 

«Аксубай» агрофирмасының терлек азыгы әзерләүчеләренең сезон башыннан бирле эшләре киеренке.  Һава шартлары төрле булуга карамастан, эш халәте кимеми. Игенчеләр техниканы басуга чыгару өчен кояшлы көннәрне максималь файдаланалар. Бу авыл хуҗалыгы предприятиеләре базларына тугыз мең тоннага якын сенаж салынган, бу план күрсәткеченә карата кырык процентка якынны тәшкил итә.

Шулай ук мең ярым тоннадан артык сыйфатлы печән әзерләгән. Терлек азыгы әзерләү һәр бүлектә чират буенча үзәкләштереп алып барыла. Моннан берничә көн элек «Смена» бүлекчәсенең механикалаштырылган отряды «Трудолюбово»га күченде. Алар 4000 тоннага якын сенаж салырга да өлгергән инде. 

Чаптыруда ике комбайн эшли, алар белән механизаторлар Алексей Жарков һәм Александр Яманов идарә итә. Болар - игенчелектә зур тәҗрибәсе булган намуслы, җаваплы хезмәткәрләр. Алар барлык азык җыю комплексының өзлексез циклын тәэмин итәләр. Быел Трудолюбово кырларында вика-солы моңарчы күрелмәгән уңыш бирде. Комбайннар үз артларыннан күләмле теземнәр калдыралар.

Олег Мадюков, Константин Ильгузин, Юрий Шишкин үз агрегатларында бу тезмәләрне сайлап алалар, ваклыйлар һәм параллель рәвештә транспортка төйиләр. Автомобильләр  һәм тракторлар  бер-бер артлы  төяү урынына килә һәм азык сараена җибәрелә. КамАЗларда яшел йөкне Владимир Шишкин, Айдар Кәбиров, Вячеслав Миронкин, Юрий Захаров, Алексей Кадяшев ташый. Дианис Хисмәтов, Айрат Рәүзетдинов, Тәбрик Рәхмәтуллин Александр Седов һәм Николай Крайнов тракторларда үлән массасын терлекчелек объектына күчерәләр. 

Сөт комплексы территориясендә көннәр буе тракторлар гөрелтесе тынып тормый. Николай Симаков һәм Андрей Петров басудан сенаж салу өчен чимал кабул итәләр, тыгызлыйлар. Шкннан ук сөт комплексындагы мөгезле эре терлекләр  өчен «төшке аш» ка вакланган үләннәр партияләре җибәрелә. 

- Механикалаштырылган звено эше төгәл җайга салынган, – ди бүлек идарәчесе Анатолий Крайнов. - Механизаторлар үз вазыйфаларына бик җаваплы карыйлар. Мондый мөмкинлекләр һәм темплар белән без киләсе җәйгә кадәр җитәрлек азык запасы әзерләргә планлаштырабыз.