Аксубай җитештерүчеләренә"ТАССРга 100 ел" символикасын куллану өчен сертификатлар тапшырылды

Район башлыгы Камил Гилманов Аксубай җитештерүчеләренә «Татарстан АССРның 100 еллыгы» мәгълүмати билгене куллануны раслаучы сертификатларны өч җитештерү предприятиесе - "Гарант" сәнәгать мәйданчыгы УК" ҖЧҖ, "Аксубай май заводы" "Вамин Татарстан” ПО һәм «Җитештерү предприятиесе» ҖЧҖ җитәкчеләренә тапшырды.

– Сертификатка ия булу һәм ТАССРның 100 еллыгын бәйрәм итүгә үз өлешеңне кертү – ул бик зур горурлык, – дип билгеләп үтте район башлыгы Камил Гилманов. – Безнең җитештерүчеләр хезмәтләр базарында үзләрен яхшы яктан күрсәттеләр, сертификатлар сезнең предприятиеләрдә лаеклы урын алыр дип уйлыйм, чөнки бу зур дәрәҗә генә түгел, ә үз продукцияңнең сыйфаты өчен җаваплылык та.