Үзәк мәйданда Яшьләр, бердәмлек һәм игелекле ихтыяр елы һәм «Татарстанда җәй» республика проекты кысаларында оештырылган «Яшьләр хәрәкәте. Җәйге ял» дип исемләнгән якты чара узды.
Бәйрәм программасының иң кызыклы вакыйгаларының берсе «Эх, ухасы да, ухасы!» гастрономия фестивале булды. Катнашучылар үзләренең пешерү осталыкларын гына түгел, фантазия, иҗади караш һәм команда рухы да күрсәттеләр, кичә кунакларын тәмле ризыклар һәм җиләк-җимешләр белән сыйладылар.
Фестивальдә сигез команда катнашты. Конкурс нәтиҗәләре буенча, район башлыгы Алмаз Мингулов «Эх, ухасы да, ухасы!» гастрономия фестивалендә I урын алган «Бергәләп ярдәм итик. Үзебезнекеләрне ташламыйбыз» волонтерлар командасына Рәхмәт хаты тапшырды. II урынга – район хастаханәсе хезмәткәрләре командасы, III урынга «Пират балык ашы» ризыгын тәкъдим иткән район мәдәният йорты командасы лаек булды.
Гастрономия фестивалендә актив катнашканнары өчен мәгариф бүлеге, «Нежность» халыкка социаль хезмәт күрсәтү үзәге, шулай ук «Форпост» яшьләр командасы район башлыгының Рәхмәт хатлары белән бүләкләнделәр.
Район җитәкчесе кичке чарада катнашкан һәркемгә активлыклары, иҗади карашлары һәм бәйрәм кунакларына бүләк иткән күтәренке кәефләре өчен рәхмәт белдерде.
Нет комментариев