Аксубай педагогия училищесын тәмамлаучы гомерен бораулау, төзелеш һәм терлекчелеккә багышлаган

Юбилей көнендә мәдәният бүлеге җитәкчесе Наталия Куштукова аңа район башлыгының Рәхмәт хатын һәм истәлекле бүләк тапшырды. Аксубай шәһәр тибындагы бистәсе башкарма комитеты җитәкчесе урынбасары Наталия Богданова изге теләкләрен җиткерде.

Бу истәлекле мизгелдә йортта юбилярның бөтен гаиләсе – балалары, оныклары иде. Якыннары ветеранның тормышы һәм хезмәт юлы турында горурланып сөйләделәр. Тантана сәбәпчесе үзе дә үткән гомер юлын хәтерендә яңартты.

Степан Дмитриевич тумышы белән Аксубайдан. Бөек Ватан сугышы башлангач, әтисе фронтка китә һәм хәбәрсез югала. Соңрак Мәскәү янында машинада бомбага тотылуы билгеле була. Әнисе балаларын ялгыз үстерә.

Степан Дмитриевич Аксубай педагогия училищесында белем алган, берничә ел мәктәптә эшләгән. 1957 елда Красноярскига комсомол төзелешенә китә. Торак һәм җәмәгать объектларын төзүдә катнаша. Биш елдан соң кире кайта һәм бораулау предприятиесенә урнаша.

– Гомумән алганда, нефть разведкасында сигез ел һәм сигез ай эшләдем, – дип искә алды ветеран. – Хезмәт китеп эшләү белән бәйле иде, ә балаларны иртән бакчага алып барырга кирәк, шуңа күрә төзелешкә урнаштым. Степан Дмитриевич СПТУ бинасы төзелешендә катнашкан – спорт залы һәм ашханә корпусын төзегән. Җитмешенче елларда ул совхозда эшли, шуннан лаеклы ялга чыга. Пенсия елларында да эшләвен дәвам итә – терлекче булып эшли.

Хатыны белән өч бала – бер ул һәм ике кыз үстергәннәр. Бүген улы һәм кызы Аксубайда, бер кызы Яр Чаллыда яши. Степан Дмитриевичның алты оныгы, җиде оныкчыгы бар. Гаилә юбилярны кайгыртучанлык һәм игътибар белән әйләндереп алган.

Бу истәлекле көндә Степан Дмитриевичка нык сәламәтлек, озын гомер һәм иминлек теләделәр.