Аксубай паркында памп-трек һәм воркаут зонасы эшли

Памп-трек – балалар һәм яшьләр өчен велосипедта, самокатта һәм скейтбордта йөрү осталыгын камилләштерү өчен менә дигән мөмкинлек. Биредә транспорт белән идарә итү күнекмәләрен үстерергә, координацияне яхшыртырга һәм күп кенә уңай эмоцияләр алырга мөмкин.

Воркаут зонасы исә көч күнегүләрен һәм урам спортын яратучылар өчен җәлеп итү үзәгенә әйләнәчәк. Турниклар, таянычлар һәм башка җиһазлар физик форманы сакларга, көч һәм чыдамлыкны үстерергә ярдәм итәчәк — һәм болар барысы да саф һавада!

Аксубай муниципаль районы хакимияте балаларны һәм яшьләрне паркка килергә, шөгыльләнергә, яңа әйберләрне сынап карарга һәм вакытны сәламәтлек өчен файдалы итеп үткәрергә чакыра.

Ләкин шуны истә тоту мөһим: куркынычсызлык – беренче урында! Ата-аналардан һәм яшь спортчылардан түбәндәгеләрне үтәүне сорыйбыз:

• шөгыльләнә башлар алдыннан җиһазларны куллану кагыйдәләре белән танышыгыз;
• саклагыч экипировка (шлем, тез һәм терсәк каплагычлар) кулланыгыз;
• үз физик мөмкинлекләрегезне арттырмагыз һәм әзерлексез катлаулы элементларны башкармагыз;
• балаларны күзәтегез һәм аларны караучысыз калдырмагыз;
• чиратны саклагыз һәм паркка килүче башка кешеләрне хөрмәт итегез.

Шулай ук район хакимияте барлык кешеләрдән яңа мәйданчыкка сакчыл карарга: җиһазларны бозмаска, чүпләмәскә һәм паркта чисталыкны сакларга чакыра. Үзебез һәм балаларыбыз өчен булдырылган әйберләрне бергәләп саклыйк!

«Яшьләр» паркына килегез – спорт һәм актив ял итү яхшы гадәткә әйләнсен!