Аксубай авыл хуҗалыгы җитештерүчеләре Казанда сәүдә һәм Яңа ел концерты оештырдылар

Районда үстерелгән һәм җитештерелгән авыл хуҗалыгы продукциясенә республика башкаласында яшәүчеләр арасында ихтыяҗ зур. Алар Аксубай сәүдә нокталарында яшелчәләр – кәбестә, кабак, бәрәңге, суган, кызыл чөгендер, шулай ук сөт, итне теләп сатып алалар. Шәһәрлеләр безнең продукциянең сыйфатлы, свежий һәм бәяләре буенча да кибеттәге белән чагыштырганда арзан булуын тәҗрибәдән чыгып беләләр.

Авыл хуҗалыгы җитештерүчеләре белән бергә Казан ярминкәсенә район артистлары да килде. Кыш бабай һәм Кар кызлары сәүдә мәйданчыгында Яңа ел кәефе тудырдылар – сатып алучылар өчен җырлар башкардылар, аларны яңа ел белән котладылар.