Кәеф өчен – тәмле ашлар

Урак өстендә эшләрнең уңышлы баруы күп кенә факторларга бәйле.

Аларның берсе - кыр эшләрендә катнашучыларны кайнар ризыклар белән тәэмин итү. Тәмле, файдалы ашамлыклар механизаторларның хезмәт нәтиҗәлелеген арттыра. "Аксубай" агрофирмасының "Майна" бүлегендә үз эшләренең осталары булган пешекчеләр Рушания Хөснуллина һәм Наилә Җәмалетдинова хезмәт куя. Җәйге каникуллар вакытында аларга Рушания Хөснуллинаның студент кызы Эльвира булыша. Азык хәзерләү, урып-җыюның кызу вакытында алар беренче, икенче ашларны әзерлиләр, кайнар ризыкларны кырларга алып киләләр, шулай ук ашханәдә дә хезмәт күрсәтәләр. Тәмле аш-су кәефне күтәрә, эш сәләтен арттыра. Механизаторлар пешекчеләрнең эшеннән канәгать.