Аксубай районының Җиңү батырлары: Жарков Николай Иванович

1925 нче елның 15 нче декабрендә Аксубай бистәсендә дөньяга килә.

1943 нче елның февралендә фронтка чакырыла. Фронт юлы: Карелия, икенче Украина, өченче Украина фронтлары. 100 нче укчылар гвардия һава десанты полкы, 301 нче гвардия һава десанты полкы, 298 нче укчылар гвардия һава десанты полкы, хәрби дәрәҗәсе - гвардия ефрейторы. 1949 нчы елның 18 маенда туган ягына әйләнеп кайта. Ике тапкыр "Батырлык өчен" медале, "Венаны алган өчен", "1941-1945 нче еллардагы Бөек Ватан сугышында Җиңгән өчен" медальләре, I дәрәҗә Ватан сугышы ордены белән бүләкләнгән. Сугыштан соң Дәүләт банкының Аксубай бүлегендә управляющий урынбасары, Аксубай машина-хисап станциясе җитәкчесе (ЦСУ), Саклык кассасы мөдире булып эшли.