Атна ахырына Татарстанда температура фонының түбәнәюе көтелә. Татарстанның Гидрометеорология үзәге шундый фараз белән уртаклашты.
21 апрель, җомга көнне һава торышы үзгәрми диярлек. Алмашынучан болытлы һава, явым-төшем ихтималы аз. Һава температурасы төнлә 1 градустан 6 градуска кадәр һәм көндез 14 градустан 19 градуска кадәр җылы булачак.
22 апрель, шимбә көнне болытлы булачак. Татарстанда яңгыр көтелә. Төньяк-көнчыгыштан искән җилнең тизлеге секундына 4-9 метр, көндезге сәгатьләрдә кайбер урыннарда 13 метрга кадәр җитәчәк. Төнлә һава температурасы +2..+7 градус, көндез +11..+16 градуска кадәр генә җылыначак.
Нет комментариев