Икенче тапкыр җиңүгә ирештеләр

Мамадышта тугызынчы авыл Спартакиадасы программасы буенча авыл районнары командалары арасында спорт гаиләләре республика ярышлары үтте.

Ярышларда безнең районны Сидул-Ерыклыдан Васильевлар гаиләсе яклады.
15 гаилә командасы арасында алар иң яхшылар булдылар һәм беренче урын өчен Диплом белән кайттылар. Гаиләләр катнашкан дүрт спорт төренең өчесендә Васильевлар - икенче, берсендә лидер булдылар. Ирле-хатынлы Леонид, Ольга һәм аларның кызлары Регина республика гаилә ярышларында икенче ел рәттән җиңү яуладылар. Хәзер алар Россия дәрәҗәсендәге Спартакиадада үтәчәк ярышларга хәзерләнәләр.