Бәйге үткәрәләр

Татарстан Республикасының яшьләр оешмасы Советы авыр тормыш ситуациясенә дучар булган балалар сәламәтлеген саклау Программасы һәм "Исәнлек" әйләнә-тирә мохитны саклау чарасы кысаларында 2012 елда төрле бәйгеләр үткәрә.

Яшь талантларны барлау, табигатькә сакчыл караш тәрбияләү, яшьләрдә актив гражданлык позициясе формалаштыру максаты белән түбәндәге конкурслар үткәрелә: "Минем туган ягым" фотоконкурсы, чишмәләрне төзекләндерү буенча "Чишмә-тормыш чыганагы" идеялар (проектлар) конкурсы, "Яшел дөнья" экология хәрәкәтен популярлаштыруга юнәлдерелгән социаль видеороликлар бәйгесе.
Катнашырга теләүчеләрнең барысы да конкурс нигезләре белән www.smo-rt.ru, eco.tatarstan.ru, www.selmolrt.ru сайтында таныша алалар.