Татарстан энергетиклары сугышчыларга ярдәм итүләрен дәвам итәләр: Лаештан инженер-инспектор Аксубай волонтерларына дүртенче генератор тапшырды

«Татэнергосбыт» АҖнең Лаеш клиентларга хезмәт күрсәтү бүлеге инженер-инспекторы Алексей Кулаков «Бергә ярдәм итәбез» (автовокзал) волонтерлар төркеменә чираттагы кирәкле әйберләр партиясен тапшырды.

Бу юлы ярдәм составына бензин генераторы (Алексей Сергеевичтан дүртенче), тутырылган газ баллоны һәм җылы киемнәр кергән.

Волонтер, «Татэнергосбыт»ның Аксубай филиалы директоры Флен Зәйнуллин якын арада сугышчыларга җиткерү өчен әзерләнгән җиһазларны хезмәттәшеннән шәхсән үзе барып алды. Флен Җәмил улы битараф булмаган хезмәттәшенә рәхмәтен белдерде:

– Алексей Сергеевичка битараф булмавы һәм ярдәмгә килергә әзер булуы өчен зур рәхмәт, – диде ул. – Ул фактта таныш булмаган кешеләргә, чит район сугышчыларына ярдәм итә, ә безне аның белән энергетика тармагындагы хезмәтебез һәм дуслык җепләре генә бәйли. Үзара ярдәм итүнең нәкъ менә шундый мисаллары бүген бәяләп бетергесез. Безнең уртак хезмәттәшлегебез һәм дустанә ярдәмебез җиңү яуланганчыга кадәр дәвам итәр дип өметләнәм!

«Бергә ярдәм итәбез» (автовокзал) волонтерлар төркеменең актив эшчәнлеге һәм намуслылыгы турында Татарстанның күп кенә шәһәрләрендә һәм районнарында гына түгел, ә Донбасста да беләләр, аннан сугышчыларның махсус җиһазларга, чараларга һәм башка бик күп нәрсәләргә заказлары килеп тора һәм гражданнарның битараф булмавы аркасында вакытында һәм төгәл итеп җибәрелә.

Шуңа күрә ярдәм итәргә теләүчеләр саны да арта! Волонтерлар һәркемгә рәхмәтле! Ә бу очракта энергетиклар тарафыннан системалы ярдәм алгы сызыкны кирәкле җиһазлар белән өзлексез тәэмин итәргә мөмкинлек бирә, диләр волонтерлар. Тапшырылган генераторлар блиндажларны яктыртуны һәм элемтә эшен тәэмин итә, ә җылы әйберләр шәхси составка салкыннарда позицияләрдә ярдәм итә.

Фото Флен Зәйнуллин архивыннан.