Мобилизацияләнгән якташлар белән истәлекле очрашу
Район башлыгы Камил Гилманов туган якта кыска вакытлы ялда булган махсус хәрби операциядә катнашучылар белән очрашты.
Очрашу район җитәкчесе кабинетында җылы, дустанә мохиттә узды. Камил Гилманов якташлардан хезмәт турында сорашты, гуманитар кәрваны составында Донбасска сәфәре турында сөйләде. Район башлыгы мәртәбәле миссияне башкарды: 2 нче гвардия Кызыл Байраклы гомумгаскәрләр армиясе командованиесе исеменнән «Махсус хәрби операция барышында күрсәткән кыюлык һәм каһарманлык, Ватан алдындагы бурычка тугрылык өчен» Анатолий Нудайкинга Рәхмәт хаты тапшырды. Бу хат Татарстан Республикасы Рәисе Рөстәм Миңнеханов исеменә юлланган булган һәм ул адресатка тапшырылды.
Район җитәкчесе сугышчыларга махсус хәрби операция зонасында үзләренең хәрби бурычларын үтәп, көн саен күрсәткән батырлык һәм кыюлык өчен чын күңелдән рәхмәт белдерде. Район үз геройлары белән горурлана һәм һәр район кешесе аларның Җиңү белән өйләренә исән-сау кайтуларын тели, дип белдерде.
Следите за самым важным и интересным в Telegram-каналеТатмедиа
Нет комментариев