Иске Чуаш Адәмсуында 85 яшеренү челтәре үргәннәр

Иске Чуаш Адәмсуы волонтерлары коллективы турында китапханәче Галина Харитонова сөйләде.

– Иске Чуаш Адәмсуы авылының волонтер хатын-кызлары инде ике елга якын яшеренү челтәрләре үрү өстендә эшлиләр. Аларга алгы сызыкта махсус хәрби операция үткәрү зонасында катнашучы сугышчыларының ихтыяҗы зур. Битараф булмаган, нигездә пенсия яшендәге хатын-кызлар фронтка ярдәм итәләр, озак көтелгән җиңүне тизрәк якынайту өчен тырышалар. Хатын-кызлар бәйрәме алдыннан аларның исемнәрен атап үтәсе килә. Бу безнең «командир» – Мария Краснова һәм актив ярдәмчеләр Оксана Романова, Ольга Микушева, Надежда Кузнецова, Наталья Антонова, Наталья Иванова, Любовь Краснова, Наталья Маркова, Анна Харитонова, Людмила Филиппова, Тамара Александрова, Анна Маркова, Ираида Антонова, Любовь Михайлова, Надежда Маркова.

Без исәп буенча 85нче яшеренү челтәрен үрүне тәмамладык һәм ул фронтка озатылачак.

Бу – бер көнлек хезмәт кенә түгел. Бер яшеренү челтәре үрү өчен бер-ике көн вакыт кирәк. Баштарак зур челтәрләрне дүртәр көн үрә идек.

Яшеренү челтәрләре үрүче волонтерлар бары тик игелекле сүзләргә генә лаек. Алар, олы яшьтә булуларына, тән авыртулары булуга карамастан, хезмәткә ашыгалар һәм шуның белән Ватанны саклау буенча авыр сынауга дучар булган улларыбызга, ирләребезгә, хәрби хезмәткәрләргә ярдәм итәләр. Мария Краснова һәр челтәргә диярлек ярдәм догасы сүзләре язылган тукыма үрә, аларны ул чиркәүдән үзе сатып ала. Шуның белән ул безнең солдатларны чын күңеленнән сакларга тели.

Безнең кечкенә авыл өчен 85 челтәр – ул зур хезмәт. Без тукыма һәм челтәрләр сатып алу, шулай ук сугышка җибәрү өчен кирәкле техник яисә башка чаралар сатып алу өчен финанс ярдәме җыюда да катнашабыз. Барысына да зур рәхмәт әйтәсе килә!