Без анда алар безнең балаларыбызга кагылмасыннар өчен киттек

Шәхси әңгәмәдә сугыш хәлләре һәм киләчәккә планнар турында сөйләштеләр.

Дмитрий үз бүләкләрен күрсәтте һәм алга таба планнары турында сөйләде.

– Сез каты сынау үттегез, гомерегезне куркыныч астына куйдыгыз, иптәшләрегезне югалттыгыз, хезмәтегез, Ватанны саклаучыларның батырлыкларын тану – бүләкләрегез өчен рәхмәт белдерәбез. Сез сугыш утын күрдегез, гомерегезне куркыныч астына куйдыгыз, шөкер, өегезгә исән-сау әйләнеп кайттыгыз, – дип мөрәҗәгать итте сугышчыга Камил Гилманов. – Сез безнең ярдәмгә исәп тота аласыз.

Дмитрий октябрьдән алып апрель аена кадәр шәхси хәрби компанияләрнең берсендә хезмәт итеп, махсус хәрби операция зонасыннан кайтты. Ике «Батырлык өчен» медале һәм Батырлык ордены белән бүләкләнгән.

– Мин армиядә булмадым, яссы табанлылык аркасында алмадылар. Хаталандым, шулай килеп чыкты, хөкем ителдем. Шәхси хәрби компания аша үз теләгем белән киттем, – дип сөйләде Дмитрий. – Соледар һәм Бахмут өчен сугышларда катнаштым, февральдә Соледарда яраландым, кулыма һәм үпкәмә зыян килде. Башка алай йөгерә алмыйм. Ни өчен киттемме? Иреклеләр анда нацистлар безнең балаларга кагылмасыннар өчен көрәшә.

Дмитрий, махсус хәрби операция зонасына якыннарына хәбәр итмичә китә. Төркем командиры була. Сугышның иң алгы сызыгында булырга туры килә. Алты ай аның тормышын “сугышка кадәр” һәм “сугыштан соңгы” чорга әйләндергән.

–Минем өчен сугыш бетте, ату тавышларына караганда, өйдә тынычрак йоклыйсың. Бәхет елмайды, исән кайттым, – ди сугышчы.

Алга таба Дмитрий – өйләнергә, автомәктәпкә укырга керергә, эшкә урнашырга һәм тыныч тормышка күнегергә планлаштыра.