Аксубай волонтерлары махсус хәрби операция зонасындагы сугышчыларга 50 нче гуманитар йөкне илтеп тапшырдылар

Экипажлар составында Александр Убейкин һәм Алексей Маклаков, Виталий Павлов һәм Илдар Искәндәров, Алексей Макаров һәм Роман Сулейманкин булды. Алар фронтның барлык участокларын, безнең якташлар хезмәт иткән җирләрне әйләнеп чыктылар, волонтерлар машинасы янына килә алмаганнарга әйберләрне шәхсән командирларга, дусларына тапшырдылар.

– Махсус хәрби операция зонасындагы барлык юлларда да киеренкелек сизелде, – дип уртаклашты Александр Убейкин. – Гуманитар йөкләргә дошман аеруча игътибар итә: без юлда янган машиналарны күрдек.

Бәхеткә каршы, барысы да уңышлы узган. Волонтерларның юлына Аксубай православие чиркәве башлыгы протоиерей Александр Качаев фатихасын биргән.

Якташларга өч «болгарка», эретеп ябыштыру аппараты, ике шөреп боргыч, өч бензопычкы, оптик җепсел (4 км), квадрокоптер, «мавик» өчен аккумулятор, электр велосипеды, «Минск» мотоциклы, биш янгын сүндергеч, ике рация, чүкечләр, кадаклар, саморезлар, пленка, су үткәргеч торбалар, отверткалар комплектлары, инструментлар комплектлары, дисклар, электродлар, УАЗ өчен двигатель, УАЗ өчен редуктор һәм раздатка, шартлаулардан саклану өчен резина келәмнәр, ике ноутбук, рессоралар, радиатор, кулислар, порошоклы янгын сүндергечләр тапшырылган. Гуманитар йөк составында шулай ук «леший костюмнары» – 13 данә, районнан 290 400 сумлык 33 посылка (төп посылкаларда дымлы салфеткалар һәм коры ашлар), 152 яшеренү челтәре – 136 780 сумлык, 31 000 данә төп өлеш эшләнмәләре (143 220 сум), башка 3D принтер эшләнмәләре. Егетләргә күңелле минутлар бүләк итү өчен: лимонад, өйдә пешкән тәмле ризыклар. Аксубайлылар барлыгы 1 263 722 сумлык өч тонна йөк илтеп тапшырдылар.

Сәфәр нәтиҗәсендә 33 сугышчы посылкалар һәм ярдәм алган. Күпләр өчен бу туган якларыннан беренче бүләк – өйдән бик күңелле хәбәр булган. Волонтерлар әлеге изге сәфәрдән үзләренә йөкләнгән бурычны үтәгәнлек хисләре белән кайттылар.