Аксубай егете дуслары белән дошманга каршы 13 сәгать оборона тота

42 яшьлек ир-ат махсус хәрби операция зонасына 2022 елның сентябрендә үз теләге белән китә. Ул Черногорскида сроклы хезмәт иткән һәм армиядән соң шунда поезд машинисты булып эшләргә һәм яшәргә калган Хакасия Республикасында РФ Оборона министрлыгы белән контракт төзи.

Ватанпәрвәрлек һәрвакыт аның канында була. Шуңа күрә ул Чечняда сугыш барган вакытта читтә кала алмый. 2007-2008 елларда ул әлеге территориядә Россия хакимиятен торгызу максаты белән хәрби хәрәкәтләрдә катнаша.

Украинадагы конфликтны анализлап, өлешчә мобилизация башланганын да көтмичә, 2022 елның 17 сентябрендә «Хакас» махсус хәрби операция иреклеләре сафына баса.

Сугышчан юлы башында, сержант буларак, «Урал» штурм батальонында сапер бурычларын үти. 2023 елның февраль азагында штурм взводы командиры итеп билгеләнә.

–25 февральдә штурм бишлеге составында без дошманның терәк пунктын штурмлауга чыктык һәм чолганышка эләктек. Егетләр һәлак булды, сугыш 13 сәгать барды, – дип искә алды «Хакас». – Үз позициямдә координаталар буенча артиллерия утын ачтым һәм сугыш алып баруны дәвам иттем. Көчләр тигез түгел иде. 13 сәгатьтән соң штурм батальоны камалышны өзгәч, позиция алынды, украина националистлары качарга керештеләр.

«Хакас»ның һәм аның һәлак булган сугышчы иптәшләренең батырлыгы һәм кыюлыгы нәтиҗәсендә, көчләр тигез булмаган һәм каты сугышта дошманның 120дән артык тере көче юк ителә.

Кече сержантны Россия Герое исеменә тәкъдим итәләр, әмма командование карары буенча якташыбыз 2023 елның августында Луганскта РФ оборона министры Сергей Шойгу тарафыннан Батырлык ордены белән бүләкләнә.

Бер атнадан, күрсәткән батырлык һәм югары профессионализм, үзенә ышандырылган бүлекчә белән оста идарә иткәне өчен «Хакас»ны сугышчан әзерлек буенча рота командиры урынбасары вазыйфасына билгелиләр, аңа кече лейтенант исеме бирелә.

2023 елның ноябрендә батыр сугышчыны РФ Оборона министрлыгының «Сугышчан батырлыклар өчен» медале белән бүләклиләр.

Бүген якташыбыз үзйөрешле-артиллерия полкының мотоукчылар дивизиясе җитәкчесе булып тора.

Махсус хәрби операция зонасына сәфәрләрнең берсендә аксубай волонтерлары «Хакас» белән очраштылар, аның позитив кәефен һәм сугышчан рухын, тыйнаклыгын һәм юмор хисле булуын билгеләп үттеләр.