47 нче гуманитар кәрван сугышчыларга илтеп тапшырылды

Йөкне автомобильләрдә Анатолий Скворцов, Флен Зәйнуллин, Нияз Җиһангиров, Рәис Хөсәенов һәм Сергей Ипеев озатып барды.

Махсус хәрби операция сугышчылары өчен чираттагы йөк район башлыгы Алмаз Мингулов җитәкчелегендә оештырылды. Йөкнең гомуми күләме, техниканы исәпләмәгәндә, 12 тоннадан артык тәшкил иткән. Ярдәмне волонтерлар, район оешмалары һәм битараф булмаган кешеләр формалаштырды. Төяүдә Руслан Ибляминов җитәкчелегендәге 102 нче янгын сүндерү һәм коткару часте хезмәткәрләре зур ярдәм күрсәтте.

Безнең волонтерлар аксубайлылар хезмәт итә торган дүрт төбәктә, Старобельск, Северодонецк, Донецк, Дебальцево, Ясиноватая, Иловайск, Мариуполь, Бердянск, Мелитополь һәм Яңа Каховка шәһәрләрендә булганнар. Техник чараларны адресатларга, шул исәптән Айрат Сәмигуллинга да тапшырганнар. Волонтерлар аның блиндажында кунганнар. Шулай ук 90 аксубайлыга һәм аларның хезмәттәшләренә посылкалар тапшырганнар, калганнарына иптәшләре аша тапшырганнар. Очрашулар бик күңелле, җылы булды, дип сөйләделәр алар.

Запорожье өлкәсе буйлап АЗС яныннан узып барганда очраклы рәвештә Иске Ильдеряк урта гомуми белем бирү мәктәбенең элеккеге директоры Алексей Маклаков белән очрашканнар. Бу бик шатлыклы минутлар булган. Донбасска бару – катлаулы һәм җиңел эш түгел, катнашучылардан чиксез игътибарлылык, фидакарьлек һәм җыйнаклык таләп итә. Кәрванны бары тик посылка һәм хезмәт өчен кирәкле әйберләрне алу өчен генә түгел, ә авыр минутларда исән калырга ярдәм итүче, өмет бирүче һәм көч өстәүче өзлексез җеп булып торган өй белән бәйләнешне тою өчен дә көткән сугышчыларның күзләрендә очкын кабызып һәм очрашуларның шатлыклы мизгелләрен бүләк итеп, алар барлык планлаштырылган эшләрне намус белән башкарып чыкканнар. «Бәхетле солдат»ка посылкасын якташларыбызга, алар белән янәшә куркыныч сызыкта булган һәм беркайчан да посылка алмаган кешеләргә дә тапшырганда, аларның күңелләрен рухи шатлык биләп ала. Посылкада 40ка якын әйбер бар: җылы киемнән, теш пастасыннан һәм азык-төлек продуктларыннан алып, СВО зонасында тормышны җиңеләйтә алырлык башка барлык нәрсәләргә кадәр. Әлеге посылкаларны яратып һәм кайгыртып җыючы волонтерларыбыз аның һәр өлешенә туган йорт җылысын салырга тырышалар.

– Бу гуманитар ярдәм кәрванын оештыруда ярдәм иткән һәркемгә чын күңелдән рәхмәт сүзләре җиткерәсе килә, – ди Анатолий Скворцов. – Яшеренү челтәрләре үргәннәре, финанс ярдәме күрсәткәрннәре, азык-төлек белән ярдәм иткәннәре өчен барлык волонтерларга, шулай ук Алексей Кондратьевка, Ришат Срутрдиновка, эшмәкәрләр Уфандеевка, Охотниковка, Илүс Гайнуллинга, Владислав Морозовка, Рәмис Сабитовка, бертуган Зюзиннарга, Татьяна Казаковага, Ринат Саматовка, Марат Сафинга, Сапеевларга, Эльвира Низаевага, Петр Волковка, абыйлы-энеле Әгъләмиевларга, православие чиркәвенә, Алексей Семеновка, «пятерка» таксистларына матди ярдәмнәре өчен аерым рәхмәт сүзләре җиткерәсе килә. Оешмалар арасында шулай ук үзәк район хастаханәсе, «Татэнергосбыт», газ хезмәте, «Татавтодор» филиалы, спорт мәктәбе, Аксубайның 1 нче мәктәбе, «Нежность» комплекслы социаль хезмәт күрсәтү үзәгенең «Тегү остаханәсе» төркемендә катнашучылар актив ярдәм күрсәттеләр.