Наҗия Гарифуллина сугыштан соң авыр хезмәттә эшли

Наҗия Сруртдин кызы Чистай районының бер кечкенә авылында туып-үскән. Мәктәптә яхшы укыса да, сугыш вакытында укуын тәмамлый алмый. Аны башка язмыш көткән.

Яшь кызны төзелеш өчен урман әзерләүгә җибәрәләр. Наҗия бу сынауны да кичерә.

– “Кирәк” дигән сүз бар иде, – дип сөйли Наҗия Сруртдин кызы. – Сугыш тәмамланса да, сугыштан соңгы хуҗалыкны күтәрергә кирәк иде. Соңрак без иптәш кызларым белән Горький өлкәсенә торф җирләренә киттек. Торфны салкын сазлыклардан чыгардык, күпләр сәламәтлекләрен югалттылар. Ләкин барысы да электр станцияләре һәм зур шәһәрләрне җылыту өчен ягулык буларак кирәклеген аңладылар. Ил хәрабәләрдән торгызылды, һәм без бу мөһим эшкә катнашыбыз барлыгын сиздек.

Яңа Ибрай егете Вазыйх Гарифуллин белән очрашу аның авыр тормышына чик куя.

Ир белән хатын кырык елдан артык тату гомер итәләр. Алты бала үстерәләр. Икесе дә колхозда хезмәт куялар. Наҗия Сруртдин кызы бөтен гомерен терлекчелеккә багышлый.

Бүген юбиляр улы Фәрит һәм килене Исламия гаиләсендә кадер-хөрмәттә бәхетле гомер кичерә. Аның иркен һәм якты үз бүлмәсе бар.

Авыл хуҗалыгы производствосы ветеранын 90 яшьлек юбилее көнендә район башлыгы урынбасары Илшат Заһидуллин җылы котлады. Илшат Минсабир улы Наҗия Сруртдин кызына Камил Гилмановтан адреслы котлау һәм истәлекле бүләк тапшырды. Юбиляр авыл җирлеге башлыгы Фәһим Кәбировның котлауларын кабул итүгә дә шат иде.