Республика чемпионнары булдылар

Ярышларда Казан, Яр Чаллы, Түбән Кама, Алабуга, Нурлат, Менделеевск шәһәрләреннән һәм шулай ук Аксубайдан 250дән артык спортчы көч сынашты. География киңлекләрен безнең спортчыларыбыз үзләренең амбицияләрен кемгә каршы куйганнарын күрсәтер өчен тәкъдим иттек. Аксубай командасы өчен Чемпионат нәтиҗәләре яхшы булды. Даниил Петров, 32 килограмм авырлык категориясендә җиңүгә ирешеп, республика чемпионы исемен яулады. 38 килограмм авырлык категориясендә көч сынашкан Илья Мясников та чемпион титулына лаек булды (икесе дә Аксубайның 2 нче мәктәбеннән). Үзенең авырлык һәм яшь категориясендә Рената Латыйпова (Аксубайның 3 нче мәктәбеннән) - икенче приз иясе. 28 килограмм авырлык категориясендәге иң яшь спортчылар арасында Алексей Машков (3 нче мәктәптән) өченче урынны яулады.

- Безнең команда лаеклы көч сынашты, - дип бүлеште фикерләре белән кикбоксинг буенча секция җитәкчесе Алмаз Мәгыйзов. - Без нәтиҗәләр белән канәгать, чемпион титулын яулап алулары белән бигрәк тә. Берничә ел дәвамында күнекмәләр алып безнең спортчылар бу титулга омтылды. Намуслы шөгыльләнделәр, тактиканы кат-кат кабатладылар. Үткән сезоннар ярышларында призлы урыннар гына яуласалар, Менделеевскта үткән Чемпионат һәм ТР Беренчелегендә җиңүчеләр булдылар. Шунысын билгеләп үтәсе килә, призлы урыннар яуламаган аксубайлылар да һәр көрәштә үзләрен җитди көндәш буларак күрсәттеләр, хәтта әзерлекләре югары дәрәҗәдә оештырылган шәһәр спортчыларына каршы да. Димәк, безнең кикбоксчыларның уңышлары алда әле.