Призерлар командасы

Яр Чаллы шәһәрендә кикбоксинг буенча республика турниры узды.

Анда Татарстанның 11 районыннан 25 команда катнашты. Безнең районны 4 спортчы тәкъдим итте. Алар яхшы нәтиҗәләргә ирешеп, барысы да призер булдылар. Илья Еграшкин һәм Даниил Петров үзләренең авырлык категорияләрендә икенче нәтиҗә күрсәттеләр, Илья Мясников һәм Илвир Нуретдинов өченче призер булдылар.

- Мәйданда спортчылар үзләрен лаеклы тоттылар, - дип белдерде тренерлары Алмаз Мәгыйзов. - Шундый зур ярышлар яңа тәҗрибә туплап алга үсеш алырга этәргеч бирә.

Ярышларга баруда Руслан Вәлиев иганәч ярдәме күрсәтте.