Яр Чаллы шәһәрендә Рәмис Бикушев чаңгы-роллер марафон дистанциясен бик тә уңышлы тәмамлады.
Кама чаңгы-роллер марафонында Татарстанның төрле шәһәрләреннән һәм күрше төбәкләрдән йөздән артык спортчы катнашты. Спорт мәктәбе тренеры Рәмис Бикушев районны лаеклы тәкъдим итте. Ул 50 километр араны 2 сәгать 2 минут 56 секунд эчендә узды. Бу көннең иң яхшы вакыты булды!
Рәмис Рәис улы җиңүгә ныклы әзерлек белән ышанычлы барды.
– Мин көн саен роллерда 30 чакрымлап күнегүләр ясыйм, – дип сөйли спортчы. – Яисә 20шәр чакрым йөгерәм. Үз көчемә ышана идем.
Рәмис Бикушев – әтисе танылган чаңгычы-спортчы, тренер Рәис Бикушевның шәкерте. Өлкән Бикушев кебек үк, ул да шулай ук үз укучылары өчен үрнәк булып тора.
Нет комментариев