Булачак хәрбиләр күнегүләр үтәләр

Россия оборона спорт-техник оешмасының (РОСТО РО) район җәмгыяте яшьләргә патриотик тәрбия бирү кысаларында пневматик винтовкадан ату буенча ярышлар үткәрде.

Ярышлар мәктәп укучылары һәм призывка кадәрле һәм призыв яшендәге егетләр арасында үтте. Анда барлыгы 40 ка якын яшүсмер катнашты.
РОСТО Аксубай район бүлеге рәисе Петр Волков, ярышларның баш хөкемдары Владимир Лодоркин ярышларны ачып, егетләр алдында чыгыш ясадылар.
Пневматик винтовкадан ату барышында егетләр яхшы нәтиҗәләр күрсәттеләр. А.Морозов иң төз атучы булды, Р.Ибраев икенче урынны алды, А.Җиһангиров өченче урынга чыкты.
Җиңүчеләр РОСТО РО грамоталары һәм истәлекле бүләкләр алдылар.