Бадминтон колач җәя

Казанда узган бадминтон буенча республика турнирында Аксубай спортчылары ифрат уңышлы чыгыш ясадылар.

Никита Мулеевның күрсәткечләре иң яхшысы булды. Шулай ук Иске Тимошкино мәктәбе укучысы Леонид Мишин һәм әлеге белем бирү оешмасының чыгарылыш сыйныф укучысы, бүгенге көндә талиб булган Евгений Мулеев та республиканың иң оста бадминтончылары белән беренчелек өчен лаеклы көч сынаштылар. Ярышларда балаларның тренеры Владислав Мулеев үзе дә катнашты. Күренекле спортчылар белән гадел көрәшеп, уңышларга ирешеп булуын аксубайлылар тагын бер кат дәлилләделәр.