Спорт
Аксубайда Республика көнен бәйрәм итү спорт ярышларыннан башланып китте.
Үзәк спорт мәйданында футбол һәм скритбол (урам баскетболы) ярышлары узды. Республика көнендә Аксубайда футбол матчлары уздыру матур гадәткә әйләнде - анда районның совет һәм башкарма комитет вәкилләре, авыл җирлекләре башлыклары һәм мәктәп директорлары катнашты. Скритбол уенын яшьләр һәм укучылар командалары уйнады. Ярышларда катнашучыларны район башлыгы Камил Гилманов сәламләде. - Барыгызны...
Үзәк спорт мәйданында футбол һәм скритбол (урам баскетболы) ярышлары узды.
Республика көнендә Аксубайда футбол матчлары уздыру матур гадәткә әйләнде - анда районның совет һәм башкарма комитет вәкилләре, авыл җирлекләре башлыклары һәм мәктәп директорлары катнашты. Скритбол уенын яшьләр һәм укучылар командалары уйнады.
Ярышларда катнашучыларны район башлыгы Камил Гилманов сәламләде.
- Барыгызны да Республика көне белән котлыйм! Бу - районның һәм Татарстанның күп милләтле халкын берләштерүче бәйрәм. Һәр командага - җиңү, ә республикага һәм районга - чәчәк атуларын телим, - дип белдерде район башлыгы.
Футбол ярышлары һәм скритбол турнирлары 2 сәгатьтән артык дәвам итте. Футбол ярышларында ДЮСШ командасы җиңүгә иреште, икенче урында - муниципаль хезмәткәрләр командасы һәм өченче урында - мәктәп директорлары.
Скритбол турнирында Аксубай 3 нче мәктәбенең егетләр командасы беренче урынны яулады, икенче урында - 3 нче мәктәптән кызлар командасы, өченче урында - 3 нче мәктәпнең икенче егетләр командасы.
Бильярд яратучылар "Дельфин" бассейны залында көч сынаштылар. Сергей Пименов (горгаз) турнир җиңүчесе булды, икенче урында - Сергей Александров (башкарма комитет), өченче урында - Илдар Ислямов (башкарма комитет).
Район үзәгендә бәйрәм чаралары Республика көненә багышланган концерт белән дәвам итте.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев