Аксубай укучылары спорт мәктәбе кубогына көч сынаштылар

Ярышларда алты команда (Аксубайның 1нче, Иске Ибрай, Иске Тимошкино, Иске Ильдеряк, Иске Үзи, Иске Мокшино урта мәктәпләре) катнашты.

Ярышлар нәтиҗәләре буенча В.Ф. Тарасов исемендәге Иске Мокшино урта мәктәбенең баскетбол дружинасы җиңүче дип танылды. Икенче урында – Иске Үзи урта мәктәбе командасы, өченче призлы урынны искетимошкинолылар яулады. Хөкемдарлар коллегиясе шулай ук иң яхшы спортчыларны да билгеләде.

Иң яхшы уенчы дип – Азалия Шәвәлиева (Иске Мокшино мәктәбе), иң яхшы һөҗүмче дип – Карина Трубкина (Иске Тимошкино мәктәбе), иң яхшы сакчы булып Ирина Охотникова (Иске Үзи мәктәбе) танылдылар.

Призлы урыннарны яулаган командаларга – спорт мәктәбенең грамоталары, җиңүче командага – грамоталар һәм кубок тапшырылды, иң яхшы уенчылар кызыксындыру призлары алдылар.

Фото: спорт мәктәбе архивыннан.