Аксубай районында «Татарстан кроссы - 2025» җиңел атлетика йөгереше узды

Бу спорт чарасы бик күп катнашучыларны һәм җанатарларны җәлеп итте. Алар арасында – хезмәт коллективлары вәкилләре, мәктәп укучылары, балалар бакчаларында тәрбияләнүчеләр, спорт ветераннары һәм сәламәт яшәү рәвеше энтузиастлары. Кояшлы җылы һава торышы күңел күтәренкелегенә ярдәм итте һәм ярышлар өчен идеаль шартлар тудырды.

Стартта барлык теләүчеләрне җыйган массакүләм йөгерү узды. Шуннан соң яшь категорияләре буенча йөгерүләр дәвам итте, анда һәр катнашучы үзенең чыдамлыгын һәм спорт рухын күрсәтә алды. Бәйрәм атмосферасы энергия һәм позитив белән тулы иде.