Аксубай йөзүчеләре Мөслимдә 11 медаль яуладылар

Ачык беренчелектә алты муниципаль район спортчылары катнашты. Тренер Геннадий Леонтьев җитәкчелегендәге “Дельфин” бассейны йөзүчеләре иң яхшылар арасында булдылар.

Команда эстафета буенча икенче урынны алды. Эстафета ярышларында Алиса Безрукова, Василина Поварницына, Арина Зубарева һәм Оксана Ашаева катнашты. Кызлар иң яхшы спорт күнекмәләрен – җыйнаклыкны, җиңү теләген, команда рухын күрсәттеләр һәм яхшы нәтиҗәләргә ирештеләр.

Шәхси беренчелектә Алиса Безрукова йөзүне югары күрсәткечләр белән тәмамлады. Ул 1.26.91 нәтиҗәсе белән 100 метрга брасс белән йөзүдә спорт мәктәбе рекордын куйды һәм шуның белән икенче өлкәннәр разряды нормативын үтәде! Алиса шулай ук ирекле стиль белән йөз метрга йөзүдә бронза призеры булды. Диана Кажукова 100 метрга брасс белән йөзүдә беренче урынны яулады, Дмитрий Джоли 50 метрга брасс белән йөзүдә финишка беренче булып килде, Екатерина Кудряшова шундый ук стильдә – икенче, Рузилә Хөснуллина 100 метрга брасс белән йөзүдә икенче урынны алды, Оксана Ашаева 100 метрга комплекслы йөзүдә икенче нәтиҗә күрсәтте.

Фото: спорт мәктәбе архивыннан.