Васильевка авылы хатын-кызлары сугышчыларга ярдәм итәргә телиләр

Махсус хәрби операция зонасында сугышчан бурычларын үтәүче хәрби хезмәткәрләрнең ихтыяҗларын район халкы аңлап карый. Алар сугышчыларның эш көннәрен җиңеләйтү, бәладән саклау һәм җиңүне якынайту өчен кулдан килгәннең барысын да эшләргә әзер.

Әйтик, Васильевка авылында хатын-кызлар Наталья Сафронованың өендә җыелып, яшеренү челтәрләре үрәләр, сугышчылар өчен оекбашлар бәйлиләр. Беркемне дә үгетләргә, нәрсәдер сорарга кирәкми, Россия сугышчыларын пуля һәм снарядлардан саклау, салкында җылыту, гомерләрен һәм сәламәтлекләрен саклау омтылышы белән һәркем эшне ихлас күңелдән башкара.