Татарстан республикасында коры һәм эссе һава торышы саклануга бәйле рәвештә, кайбер районнарда һәм Аксубай районы территориясендә бишенче (гадәттән тыш) янгын куркынычсызлыгы классы билгеләнгән.
– Искәртеп узабыз, РТ Министрлар Кабинетының 08.08.2022 елдан гамәлдә булган 771 номерлы Карарына нигезләнеп, гражданнарның урманнарда булуына һәм аларга транспорт чараларының керүенә чикләү кертелде, дип сөйли ТР «Аксубай урманчылыгы» ДКУ җитәкче-урманчысы Андрей Ильмухин. – Янгын чыгу очракларына юл куймас өчен, район гражданнарыннан урманнарга барудан тыелып торуны сорыйбыз, чөнки теләсә нинди чаткы яисә очраклы рәвештә калдырылган пыяла һәм пластик савыт-саба янгын сәбәбе булырга мөмкин.
Урманчылык хезмәткәрләре урманнарда көчәйтелгән режимда патурльлек итә. Янгынга каршы режимны бозган өчен штраф рәвешендә зур административ җәза каралган, ул берничә тапкырга арткан һәм гражданнар өчен – 15 меңнән 30 мең сумга кадәр (1,5-3 мең сум иде), урындагы затлар өчен – 30 мең сумнан 50 мең сумга кадәр (10-20 мең сум иде), юридик затлар өчен 100 меңнән 400 мең сумга кадәр (50-200 мең сум иде) тәшкил итә.
Нет комментариев